У Камянецкім раёне ў памяшканні памежнага кантролю знайшлі труп вайскоўца
13- 20.03.2023, 20:02
- 27,040
19-гадовы шараговец быў набраны ў кастрычніку 2022 года.
Днём 20 сакавіка ў вёсцы Абяроўшчына Камянецкага раёна ў памяшканні аддзялення памежнага кантролю "Высока-Літоўск" знойдзены труп вайскоўца з прыкметамі суіцыду, расказалі ў Дзяржаўным памежным камітэце.
У ведамстве паведамілі, што 19-гадовы шараговец быў набраны ў кастрычніку 2022 года і праходзіў службу ў Берасцейскай памежнай групе.
На месцы выяўлення цела працуе следча-аператыўная група. Прычыны здарэння высвятляюцца.