Украінскія вайскоўцы збілі два расейскія беспілотнікі «Supercam S350»

БПЛА былі збітыя ў Мікалаеўскай вобласці.

Украінскія вайскоўцы ў панядзелак, 20 сакавіка, падчас выведкі ліквідавалі два расейскія выведвальныя беспілотнікі «Supercam S350» у Мікалаеўскай вобласці.

Пра гэта піша Charter97.org са спасылкай на Паветранае камандаванне «Поўдзень».

Са звестак ведамства, дроны былі знішчаныя ў перыяд часу з 16:00 да 16:30.

«Сіламі і сродкамі супрацьпаветранай абароны паветранага камандавання «Поўдзень» знішчаныя два расейскія выведвальныя беспілотнікі «Supercam S350», - гаворыцца ў паведамленні.

Як распавялі вайскоўцы, гэтыя беспілотнікі выкарыстоўваюцца для аэрафотаздымкі з мэтай стварэння высокадэтальных лічбавых карт. Акрамя таго, з іх дапамогай праводзяць дыстанцыйны паветраны маніторынг мясцовасці і аб'ектаў.