Расея ўдарыла па інтэрнатах і ліцэі ў Кіеўскай вобласці: шмат загінулых і параненых
12- 22.03.2023, 12:00
- 22,962
Сярод пацярпелых ёсць дзеці.
У выніку начнога нападу дронаў 22 сакавіка ў горадзе Ржышчаў Кіеўскай вобласці пашкоджаны інтэрнаты і ліцэй. Вядома аб трох загінулых і не менш як 20 параненых. Таксама пад руінамі яшчэ могуць быць людзі.
Як паведаміла прэс-служба Дзяржаўнай службы надзвычайных сітуацый, часткова разбураны 4-ы і 5-ты паверхі двух пяціпавярховых інтэрнатаў і трохпавярховы навучальны корпус прафесійнага ліцэя.
Са звестак ратавальнікаў, а 06:50 пажар быў ліквідаваны на плошчы 330 кв.м.
«На 07:00 загінулі 3 чалавекі, траўмаваныя 2 чалавекі і выратаваны 1 чалавек. Магчыма, пад руінамі знаходзяцца 4 чалавекі», - гаворыцца ў ДзяржНС.
Цяпер на месцы здарэння працуюць 111 чалавек і 28 адзінак тэхнікі, працуе мабільна-аператыўная група. Разбор руінаў і пошукава-выратавальныя работы працягваюцца.
Са звестак Офіса генпракурора Украіны, варожыя дроны патрапілі ў інтэрнаты ў Абухоўскі раёне.
«У выніку атакі 3 чалавекі загінулі, у тым ліку кіроўца хуткай медыцынскай дапамогі, які прыехаў на выклік. Паводле папярэдніх звестак у медыцынскую ўстанову шпіталізаваныя 7 чалавек, сярод якіх 11-гадовае дзіця», - паведамілі ў пракуратуры.
Са звестак праваахоўнікаў, ідзе пошук трох цывільных асоб, якія могуць знаходзіцца пад руінамі.
Кіеўская абласная пракуратура пачала расследаванне ў рамках крымінальнай вытворчасці паводле факту парушэння законаў і звычаяў вайны (ч. 2 арт. 438 ККК).