Святар РПЦ шакаваў сваёй «пропаведдзю» для вайскоўцаў РФ

Расейскіх салдат «бласлаўляюць» дзіўнымі цытатамі.

Расейскія акупанты працягваюць ваяваць супраць Украіны, забіваць мірных людзей, у тым ліку і дзяцей. Расейскія святары не саромеюцца блаславяць акупантаў на такое і нават шакуюць словамі, якія царкоўнікі ім кажуць.

У Сеціве распаўсюджваецца відэа, на якім чуваць, як святар Расейскай праваслаўнай царквы кажа аб тым, што ўкраінскі народ нібыта «збіўся са шляху сапраўднага». Таксама расейскі поп зачытвае жудасныя радкі аднаго псалма, паведамляе glavred.info.

«Шчаслівы той, хто возьме немаўлят тваіх і разаб'е аб камень», - кажа святар.

Як паведамляў сайт Charter97.org, протаіерэй РПЦ Андрэй Ткачоў заклікаў бамбаваць Украіну «Градамі» з малітвай.