Расейскія генералы панікуюць, чакаючы буйнога наступу УСУ

Брытанская выведка назвала галоўны кірунак контратакі ўкраінскіх сіл.

Расейскія генералы асцерагаюцца буйнога наступу УСУ на поўначы Луганскай вобласці. Пры гэтым яны спрабуюць адсунуць лінію фронту ад Сватава і Крамянной.

Пра гэта паведамляе Міністэрства абароны Вялікабрытаніі ў Twitter.

Як адзначаецца ў справаздачы, з пачатку сакавіка працягваюцца бесчалавечныя баі ў раёне Сватава і Крамянной на поўначы Луганскай вобласці. Расея часткова аднавіла кантроль над найбліжэйшымі подступамі да горада Крамянная. Месцамі Расея дабілася прасоўвання да некалькіх кіламетраў.

Са звестак брытанскай выведкі, расейскае камандаванне, магчыма, спрабуе пашырыць зону бяспекі на захад ад падрыхтаваных імі абарончых рубяжоў уздоўж узвышшаў і інтэграваць натуральную перашкоду ў выглядзе ракі Аскол. Хутчэй за ўсё яны спрабуюць адбіць лагістычны вузел Купянск.

У аператыўным плане намеры Расеі на паўночным усходзе застаюцца абарончымі. «Камандзіры, магчыма, асцерагаюцца, што гэта адзін з сектараў, дзе Украіна можа распачаць буйныя наступальныя аперацыі», – адзначаюць у Мінабароны Брытаніі.

Нагадаем, паводле звестак брытанскай выведкі, пагроза аблогі Бахмута з поўначы поўдня застаецца. Аднак ціск на горад слабее, а УСУ праводзяць контратакі.