Да Беларусі набліжаюцца два цыклоны

Але іх панаванне будзе нядоўгім.

Сіноптыкі падзяліліся прагнозам надвор'я ў Беларусі на найбліжэйшыя дні. Да нашай краіны набліжаюцца два цыклоны.

Першы балканскі цыклон прыйдзе ў аўторак. Мадэль ECMWF кажа, што накрые снегам захад Беларусі і Вільню, GFS і ICON – што цэнтральную частку краіны.

Таксама чакаецца прарыў арктычнага цыклону на поўдзень, у Цэнтральную і Усходнюю Еўропу на пачатку наступнага тыдня.

На шчасце, халоднае ўварванне будзе параўнальна хуткаплынным - усяго 2-4 дні, бо халоднае паветра хутка прагрэецца ад ужо цёплай зямлі.