Эрдаган паказаў новы «Байрактар» з украінскім рухавіком

Фота і характарыстыкі беспілотніка.

Прэзідэнт Турцыі Раджэп Таіп Эрдаган, які днямі заклікаў абвінавачанага ў ваенных злачынствах прэзідэнта РФ Уладзіміра Пуціна спыніць вайну, паказаў новы беспілотнік турэцкай кампаніі Bayraktar Kızılelma. Ён абсталяваны турбарэактыўным рухавіком АІ-25ТЛТ ад украінскай кампаніі «Матор Січ».

Адпаведнае фота без якіх-небудзь подпісаў ён апублікаваў у Twitter, піша «Апостров».

На здымку - Эрдаган стаіць перад беспілотнікам-знішчальнікам Bayraktar Kızılelma, выстаўленым у Нацыянальным тэхналагічным цэнтры Аздэміра Байрактара, са скрыжаванымі на грудзях рукамі. У кадр таксама патрапіў і Bayraktar TB3 SIHA.

Адзначым, Kızılelma – гэта новая распрацоўка турэцкай кампаніі Baykar, зараз беспілотнік знаходзіцца на этапе тэставання. На яго ўсталяваны турбарэактыўны рухавік АІ-25ТЛТ ад украінскай кампаніі «Матор Січ».

Беспілотнік, даўжынёй амаль 15 метраў мае размах крылаў 10 метраў. Ён здольны развіць хуткасць да 1100 км/г і перавозіць боепрыпасы (ракеты і бомбы) у корпусе. Kızılelma мае максімальную ўзлётную масу больш за 5,5 тоны, з якіх больш за 1500 кг прыпадае на яго карысную нагрузку. Рабочая вышыня БПЛА - 12 км.v