«Колькі магіл - няма канца і краю»: у РФ знайшлі новыя могілкі «вагнераўцаў»

Сотні новых надмагілляў.

У станіцы Бакінскай побач з горадам Гарачы Ключ Краснадарскага краю РФ працягваюцца масавыя пахаванні наймітаў ПВК «Вагнера».

За апошнія месяцы мясцовыя могілкі, якія Яўген Прыгожын зарэзерваваў для сваіх наймітаў, разраслося да гіганцкіх памераў. Мясцовыя жыхары паказалі сотні новых магіл.

«Колькі людзей загінула! Колькі магіл! Не злічыць! Няма канца і краю! І ўсё канец 2022 - пачатак 2023 года, без сакавіка», - кажа жанчына, якая плача за кадрам.