CNN назваў цэль контрнаступлення УСУ

Кірунак удару пацвярджаюць крыніцы ва ўкраінскай выведцы.

Амерыканскі тэлеканал CNN прагназуе, што цэллю контрнаступу Украіны гэтай вясной у кожным выпадку стане спыненне наземнага злучэння Крыма з Расеяй. Аб гэтым выданне піша са спасылкай на інфармацыю ўкраінскай выведкі.

Удары будуць нанесеныя па Мелітопалю, у раёны Херсонскай вобласці, прылеглыя да Крыма.

Як адзначае CNN, расейскія ўлады актыўна ўмацоўваюць Крым.

Журналісты вывучылі онлайн-аб'явы аб вакансіях для будаўнікоў і цесляроў, якім абяцалі да 7 000 расейскіх рублёў (90 даляраў) на дзень плюс пражыванне. Адная з іх абвяшчала: «Патрабуюцца працоўныя для будаўніцтва ўмацаванняў, 3000-7000 расейскіх рублёў за выкананую працу, Краснаперакопск».

Акрамя таго, піша агенцтва, шырокія будаўнічыя працы для ўзвядзення абарончых умацаванняў бачныя на спадарожнікавых здымках, напрыклад, недалёка ад горада Армянска.

«Высокапастаўлены ўкраінскі чыноўнік, які адказвае за Крым, заявіў у пятніцу, што ўмацаванні будуюцца на ўзбярэжжы і паблізу мяжы з мацерыковай Украінай, але таксама і ў глыбіні Крыма», - дадае выданне.

«Украіна прыкладае значныя намаганні, каб зрабіць расейскую акупацыю максімальна нязручнай. І расейцы ідуць на шмат што, каб умацаваць паўвыспу», – робіць выснову CNN.