У Беларусі падаражэюць цыгарэты

Некаторыя - на 40 капеек.

У Беларусі з 1 красавіка падаражэюць некаторыя маркі цыгарэт. Пра гэта паведамляецца на сайце Міністэрства падаткаў і збораў. У красавіку падвышаць кошты маюць намер усе вытворцы і імпарцёры цыгарэт.

Гарадзенская тытунёвая фабрыка «Нёман» з 1 красавіка павысіць сярод іншага кошты на Dove Gold King Size Edition і Dove Platinum King Size Edition - да 2,8 рубля (30 капеек), на Kent Feel Aroma - да 5,6 рубля (40 капеек), на Rothmans Blue - да 4,7 рубля (40 капеек).

«Тытунь-інвест» з наступнага месяца падніме цэннік у тым ліку на Kent Navy Blue, Kent Silver – да 5,7 рубля (30 капеек), на Rothmans Blue – да 4,7 рубля (40 капеек).

«Інтэр Табака» з красавіка павысіць кошты на многія цыгарэты. Да прыкладу, Dove Silver Superslims будуць каштаваць 2,6 рубля (30 капеек), Red Bor Red Compact – 2,25 рубля (25 капеек).

«Беларусьгандаль» падніме кошт толькі Dunhill Fine Cut Blue і Dunhill Fine Cut Gold - да 6,1 рубля (+30 капеек),

Паглядзець поўны спіс цыгарэт, на якія з 1 сакавіка зменяцца кошты, можна на сайце МПЗ.