У Беларусі фармуюць батальён для падтрымання ваеннага становішча
15- 29.03.2023, 9:44
- 16,514
Улады рыхтуюцца да вайны?
У Барысаўскім раёне фармуецца батальён з вайскоўцаў запасу, паведамляе тэлеграм-канал «Позірк». Адна з функцый - падтрыманне ваеннага становішча.
"Неабходна сфармаваць штаб Барысаўскага раёна і асобнага стралковага батальёна", - паведаміў начальнік управы тэрытарыяльнай абароны вайсковага камісарыята Менскай вобласці Дзмітрый Вальфовіч.
Паводле слоў прадстаўніка тэрытарыяльнай абароны, з вайскоўцамі запасу "будзе праведзеная індывідуальная падрыхтоўка, зладжванне аддзяленняў і звязаў" і на завяршальным этапе — "штабны трэнінг".
Удзельнікі пройдуць агнявую падрыхтоўку, а на завяршальным этапе комплекснай праверкі будзе праведзенае "камандна-штабное вучэнне".