У Беларусі забаранілі прадаваць джынсы яшчэ пяці марак

Іх прызналі небяспечнымі.

У Магілёве падчас праверкі аднаго з індывідуальных прадпрымальнікаў у продажу былі знойдзеныя небяспечныя жаночыя джынсы пяці марак кітайскага вырабу, паведамляе БелТА.

Даследаванні паказалі, што гэтыя джынсы не адпавядаюць патрабаванням тэхнічнага рэгламенту "Аб бяспецы прадукцыі лёгкай прамысловасці" ў паказчыку бяспекі "паветрапранікальнасць". Паказчык у асобных мадэляў быў больш як у 2 разы ніжэйшы.

Дзяржаўны стандарт забараніў увоз і рэалізацыю дзевяці найменняў джынсавых вырабаў у Беларусі.

Як даўней пісаў сайт Charter97.org, аналагічнае правяранне не прайшлі дзве мадэлі джынсаў папулярнай у беларусаў маркі Mango. Норма іх паветрапранікальнасці выявілася паніжанай амаль у пяць разоў.