На мяжы Беларусі ды Расеі ўтварылася шматкіламетровая чарга з цяжкавікоў
4- 29.03.2023, 16:01
- 11,074
Чарга пачала расці ўчора.
На беларуска-расейскай мяжы перад пунктам перасячэння «Чырвоная Горка» ўтварылася чарга з грузавікоў. Як паведамляе «Зеркало», пра гэта ў чатах для грузаперавозчыкаў пішуць дальнабойнікі.
Дальнабойнікі паведамляюць у чаце, што чарга на беларуска-расейскай мяжы перад пунктам пераезду «Чырвоная Горка» (Гэта Аршанскі кірунак) пачала расці ўчора да абеду. Блізу 5.00 яна была 2,5 км, а 13.00 чарга была ўжо 6,7 км. Сёння ўдзень чарга з цяжкавікоў вырастала да 18-20 км.
Блізу 14.40 вадзіцель паведаміў, што ён спыніўся ў хвасце чаргі, у той момант яна заканчвалася на 591 км трасы М1, каля павароту ў бок вёскі Лабаноў Дубровенскага раёна. Ад гэтага месца да «Чырвонай Горкі» адлегласць блізу 18 км.
«Што там здарылася? Чаму так марудна?», «Гэта дзень на праходжанне мяжы», - абмяркоўваюць сітуацыю вознікі.
У бок Беларусі чарга невялікая.
Нагадаем, 2 сакавіка на гэтым жа пункце перасячэння мяжы чарга амаль 10 км была ў бок Беларусі. Кіроўцы бачылі, як на тэрыторыі Расеі стаяла паліцыя з аўтаматамі.