УСУ пачалі адціскаць войскі РФ на Запарожскім кірунку

Наспявае новы «жэст добрай волі»?

Украінскае войска перайшло ў наступ і пачала адціскаць войскі РФ на Запарожскім кірунку.

Дэпутат Запарожскай абласной рады Аскад Ашурбекаў адзначыў, што на Запарожскім кірунку акупанты занялі абарончыя пазіцыі.

Аб гэтым ён сказаў у эфіры тэлеканала "Эспрэса".

Ашурбекаў адзначыў, што кожны раз, калі расейцы рыхтуюцца ўчыніць «жэст добрай волі», яны пераходзяць да характэрных дзеянняў.

«На Запарожскім кірунку акупанты занялі абарончыя пазіцыі. Яны ўжо не наступаюць, а спрабуюць стрымліваць УСУ. А УСУ, наадварот, патроху падціскаюць акупантаў. Тое, што акупанты абстрэльваюць цывільную інфраструктуру Запарожскай вобласці, сведчыць, што вораг асцерагаецца магчымага наступу УСУ. Калі расейцы не маюць поспехаў на лініі фронту, яны пачынаюць біць па цывільнай інфраструктуры», - заўважыў Ашурбекаў.

Дэпутат Запарожскай абласной рады таксама дадаў, што на Запарожскім кірунку штодня напружаная сітуацыя, колькасць абстрэлаў не памяншаецца.

«Сярод белага дня вораг атакаваў месты Арэхаў і Гуляйполе. Шматпавярховыя, прыватныя дамы і цывільная інфраструктура атрымалі сур'ёзныя разбурэнні. Акупанты хаатычна абстрэльваюць месты, ведаючы, што там застаецца мясцовае насельніцтва», - падкрэсліў Ашурбекаў.