28 сакавiка 2024, Чацвер, 14:48
Падтрымайце
сайт
Сім сім,
Хартыя 97!
Рубрыкі

Пад Вуглядарам зліквідавалі дэпутата з Бураціі

6
Пад Вуглядарам зліквідавалі дэпутата з Бураціі

Да дзяржаўнай службы акупант працаваў ветэрынарам-санітарам.

У баях пад Вуглядарам на Данеччыне ўкраінскія абаронцы зліквідавалі 35-гадовага расейскага акупанта Дашу Дарыжапава. Сельскі дэпутат з Бураціі пераадолеў звыш 6 тысяч км дарогі, каб ваяваць супраць УСУ, паведамляе obozrevatel.com.

Яго напаткала смерць нібы ад аскепкавай раны. «Дэмілітарызацыю» захопніка пацвердзілі ў РФ, анансуючы ягонае пахаванне на 31 сакавіка.

Згодна з некралогам, «чацвёртае дзіця ў сям'і» Даша Ігаравіч 13.01.1988 г.н. быў родам з сяла Хуртагі Рэспублікі Бураціі. Ён скончыў школу і паступіў Бурацкую рэспубліканскую вучэльню культуры і мастацтваў.

Ці скончыў буратаў ВНУ, мэдыі не пішуць, але адзначаюць, што тэрміновую службу той адслужыў - у адным з падраздзяленняў Маскоўскай вайсковай акругі.

Пасля вяртання дадому Дарыжапаў пачаў працаваць ветэрынарам-санітарам. Пазней скончыў Бурацкую сельскагаспадарчую акадэмію і далей сабе працаваў, "але ўжо дыпламаваным спецыялістам".

На пуцінскую "спецаперацыю" буратаў пайшоў 21 верасня 2022 года. У акупацыйных войсках «мобік» быў старшым вылічальнікам мотастралковага батальёна.

«Дэмілітарызаваўся» малодшы сяржант Дарыжапаў 18 сакавіка ад аскепкавых ран у сяле Нікольскім на Данеччыне, што каля Вуглядару.

Прапагандысты сцвярджаюць, нібыта Дашу Ігаравіча прадставілі да пасмяротнага ўзнагароджання «ордэнам мужнасці». але дакладна толькі тое, што на 31 сакавіка ў Хуртазе запланавалі пахаванне дэпутата сельскага паселішча «Хуртагінскага», які загінуў як ваенны злачынец.

Напісаць каментар 6

Таксама сачыце за акаўнтамі Charter97.org у сацыяльных сетках