29 сакавiка 2024, Пятніца, 7:56
Падтрымайце
сайт
Сім сім,
Хартыя 97!
Рубрыкі

Зняволеным забаранілі размаўляць з Паўлам Севярынцам

6
Зняволеным забаранілі размаўляць з Паўлам Севярынцам
ПАВЕЛ СЕВЕРЫНЕЦ

На царкоўныя службы ў шклоўскай калоніі, якія наведвае палітвязень, пачалі прыходзіць міліцыянты.

Улады ўзмацнілі ціск на аднаго з лідараў беларускай апазіцыі, палітвязня Паўла Севярынца.

Пра гэта распавёў адзін з былых вязняў калоніі на ўмовах ананімнасці, піша сайт ПЦ «Вясна».

«Вязні неяк паскардзіліся адміністрацыі, што Павал Севярынец у царкве збірае гурткі палітвязняў на беларускай мове. Пасля гэтага на царкоўныя службы пачалі прыходзіць супрацоўнікі міліцыі. Ідзе служба, а ў іх рацыя гарлапаніць і яны жуюць семкі.

Севярынца не чапалі да лета 2022 года. Потым чулі, што і ў атрадзе, і ў ШІЗА забаранілі ўсім мець стасункі з ім. Але Павал заўсёды размаўляў па-беларуску», - сказаў зняволены.

Паўла Севярынца затрымалі 7 чэрвеня 2020 года, калі ён вяртаўся з пікету Ціханоўскай на Камароўцы. Спачатку некалькі разоў давалі суткі, а потым стала вядома аб крымінальнай справе.

Амаль праз год, 25 траўня 2021-га, яго прысудзілі да сямі гадоў калоніі ўзмоцненага рэжыму. Пакаранне Павел адбывае ў шклоўскай калоніі.

Ён адбываў пакаранні і раней: з 2005-га да 2007-га і з 2010-га да 2013 года, тады ён быў прысуджаны да «хіміі».

Напісаць каментар 6

Таксама сачыце за акаўнтамі Charter97.org у сацыяльных сетках