Лукашэнка: Ахову здароўя Беларусі страсянем так, што пыл пасыплецца

Дыктатар анансаваў рэпрэсіі сярод медыкаў у рэгіёнах.

Аляксандр Лукашэнка 31 сакавіка расказаў, што ахову здароўя найбліжэйшым часам ускалыхнуць так, што «пыл пасыплецца». Пра гэта паведамляе БелТА.

- Ахову здароўя Беларусі найбліжэйшым часам ускалыхнем так, што пыл пасыплецца, - сказаў ён. - Я ведаю, што некаторыя начальнікі ў Міністэрстве аховы здароўя, галоўныя лекары і іншыя нашы свяцілы ўмеюць круціцца вакол начальнікаў. Але я навяду парадак. Калі нехта з кіраўніцтва непапраўна хворы, будзем лячыць. Але без партфеляў, - сказаў ён.

Перш за ўсё размова ішла аб установах аховы здароўя ў раёнах.