Беларускіх тэнісістаў дапусцяць да ўдзелу ва Уімблдоне
13- 31.03.2023, 19:02
- 3,346
Але выступаць яны будуць як нейтральныя спартоўцы.
Арганізатары Уімблдона - Усеангельскі клуб і Аргкамітэт - абвясцілі аб пастанове дапусціць тэнісістаў з Беларусі і Расеі да ўдзелу ў турніры.
- Цяпер мы маем намер прымаць заяўкі ад расейскіх і беларускіх гульцоў пры ўмове, што яны выступаюць у якасці «нейтральных» спартоўцаў і выконваюць адпаведныя ўмовы, - гаворыцца ў заяве.
Адна з гэтых умоў - забарона на падтрымку вайны РФ ва Украіне. Акрамя таго, не будуць дапушчаныя гульцы, якія атрымліваюць дзяржаўнае фінансаванне і тыя, у каго ёсць спонсары з боку кампаній, што кіруюцца або кантралююцца дзяржавай.
Нагадаем, што летась тэнісістам з Расеі і Беларусі забаранілі ўдзельнічаць ва Уімблдоне.
У 2023 годзе травяны турнір «Вялікага шлема» пройдзе ў Вялікай Брытаніі з 3 да 16 ліпеня.