Якія прафесіі першымі заменіць штучны інтэлект?

Бухгалтары, матэматыкі і перакладчыкі будуць не адзінымі, чыю працу зможа лепш выканаць машына.

Згодна з новым даследаваннем, бухгалтары ўваходзяць у лік прафесій, чыя кар'ера больш за ўсё залежыць ад магчымасцяў штучнага інтэлекту. Даследнікі выявілі, што, прынамсі, палову бухгалтарскіх задач можна выканаць нашмат хутчэй з дапамогай новай тэхналогіі, піша Wall Street Journal.

Тое ж самае тычыцца матэматыкаў, перакладчыкаў і пісьменнікаў. Сучасны GPT выдатна спраўляецца з такімі тыпамі працы, як пераклад і нават літаратурная творчасць і стварэнне кампутарнага кода.

Даследчыкі мяркуюць, што большасць працоўных месцаў праз GPT у той ці іншай форме зменіцца.

Прафесіі, звязаныя з апрацоўкай інфармацыі, у тым ліку спецыялісты ў сувязях з грамадскасцю, судовыя рэпарцёры і блокчэйн-распрацоўшчыкі, будуць вельмі залежныя ад змен. Сярод прафесій, на якія тэхналогія паўплывае менш за ўсё, - кухары ў рэстарацыях, аўтамеханікі і спецыялісты нафтагазавай галіны.

Аднак змены наўрад ці будуць адбывацца хутка.

Сапраўдная праблема ў тым, каб кампаніі, школы і палітыкі дапамагалі людзям адаптавацца. Прычым гэта абыдзецца нятанна: навучанне работнікаў эфектыўнаму ўзаемадзеянню з тэхналогіямі і рэарганізацыя працоўных месцаў могуць каштаваць трыльёны даляраў.

Нягледзячы на гэта, многія людзі ўжо пачалі выкарыстоўваць генеравальны штучны інтэлект, каб працаваць хутчэй, хоць працадаўцы непакояцца аб бяспецы і дакладнасці працы.