Лекар даў некалькі парад, як лепш высыпацца

Простыя рэкамендацыі дапамогуць палепшыць якасць сну.

Лекар і генеральны дырэктар Eden’s Gate Тайлер Вудвард расказаў, што «добры начны сон не толькі паляпшае вашу канцэнтрацыю на працягу дня, але таксама карысны для вашага псіхічнага і нават фізічнага здароўя. Сон дае вашай імуннай сістэме адпачынак, неабходны для падтрымання формы і здароўя вашага цела, гатовага да барацьбы з грыпам і ўсякімі непрыемнымі зімовымі хваробамі. Калі вы змагаецеся, ёсць некалькі сродкаў, якія дапамогуць вам пазбавіцца ад бяссонных начэй».

Чатыры парады, як лепш выспацца

Знайдзіце час для рэлаксацыі перад сном. Паспрабуйце разняволіцца як мінімум за 30 хвілін да таго, як легчы спаць. Вы можаце паслухаць заспакаяльную музыку або аўдыёкніжку, прыняць цёплую ванну альбо пачытаць.

Устанавіце каменданцкую часіну з кафеінам. Калі Вы хочаце па-сапраўднаму добра выспацца, вам давядзецца скараціць спажыванне кафеіну. Паспрабуйце не ўжываць кафеін за тры гадзіны да сну.

Цемра. Сон у поўнай цемры дапаможа вам лягчэй заснуць, але пакіньце шчыліну ў шторах, каб раніцамі было натуральнае асвятленне. Сонечнае святло дапаможа вам прачнуцца, адчуваючы сябе бадзёрым і гатовым да працы.

Трымайцеся руціны. Можа быць, сапраўды прывабна паспаць у суботу-нядзелю даўжэй або ўкласціся спаць пазней, чым зазвычай, але распарадак дня падтрымлівае Ваш біялагічны гадзіннік. Старайцеся штодзень уставаць і класціся спаць у адзін і той жа час, інакш Вы рызыкуеце адчуць сябе разгубленым і абыякавым.