12 крокаў па вызваленні Крыма

Сакратар РНБА Аляксей Данілаў апублікаваў падрабязны план.

У РНБА ўжо распрацоўваюцца асноўныя крокі, якія будуць прымяняцца пры дэакупацыі ўкраінскага Крыма. Між іншым, прапануецца прыбраць Керчанскі мост і абмежаваць калабарантаў у праве ўдзельнічаць у выбарах - выбіраць і быць абранымі.

Пра гэта паведамляе ў Facebook сакратар Рады нацыянальнай бяспекі і абароны (РНБА) Аляксей Данілаў.

«Расейскі гаўляйтарскі хлам у часовым акупаваным Крыме нешта занадта разышоўся ў істэрычным z-прыпадку - то збіраючыся захапіць Кіеў то Адэсу, то ўпадаючы ў саўковы маразм адраджэння «крымскага смершу». Для гэтага маскоўскага смецця хачу даходліва намаляваць пакуль шырокімі мазкамі, як Украіна будзе дэакупаваць Крым, дзе яны і ім падобныя будуць мэтамі нумар адзін - каб назаўжды адбіць любому жаданне нават глядзець у бок Масковіі або адкрываць рот, перш не падумаўшы, каментаваць нешта звязанае з Украінай», - напісаў ён.

Са слоў Данілава, гэтыя 12 крокаў заключаюцца ў наступным:

1. На грамадскае абмеркаванне будуць вынесены пытанні аб праекце і месцазнаходжанні ў Крыме помніка «рускі ваенны карабель ідзе …». У мэтах эканоміі дзяржаўных сродкаў можа быць выкарыстаны пастамент помніка затопленым караблям у Севастопалі.

2. Акрамя крымінальнага пераследу за калабарацыянізм і дзяржаўную здраду распрацоўваецца люстрацыйны механізм персанальнай ацэнкі, якім, між іншым, вызначаецца ўзровень адказнасці і ступень прыцягнення канкрэтных асоб, грамадзян Украіны, жыхароў Крыма да падтрымкі дзейнасці акупацыйных адміністрацый, што прадугледжвае абмежаванне правоў удзелу ў выбарах - абіраць і быць абранымі.

3. Што да дзяржаўных службоўцаў, суддзяў, пракурораў, работнікаў праваахоўных органаў і іншых катэгорый асоб, якія на 2014 год знаходзіліся ў штаце органаў улады Украіны, МУС, СБУ, МАУ і інш., а пасля лютага 2014 года працавалі ў расейскіх акупацыйных структурах, украінскія суды вызначаць, ці падлягаюць яны крымінальнай адказнасці.

«Але калі не падлягаюць, яны пазбаўляюцца дзяржаўных пенсій, у тым ліку з забаронай далейшага працаўладкавання на працу ў дзяржорганах і органах мясцовага самакіравання Украіны. «Ваўчыны квіток» - назаўжды», - растлумачыў ён.

Акрамя таго, выдаванне Сілам абароны Украіны і следству важнай інфармацыі, якая датычыцца пытанняў нацыянальнай бяспекі, можа стаць падставай для змякчэння крымінальнага пакарання.

4. Расея або іншае фармаванне, якое будзе прэтэндаваць на правапераемнасць, забяспечвае безумоўную і поўную выдачу ўсіх падазроных у дзяржаўнай здрадзе і іншых крымінальных злачынствах асоб, як грамадзян Украіны, так і грамадзян Расеі, якія маюць дачыненне да ваенных злачынстваў (міжнародныя злачынствы, якія не маюць тэрмінаў даўнасці - генацыд, ваенныя і супраць чалавечнасці), учыненых на тэрыторыі нашай дзяржавы ў цэлым і ў прыватнасці.

5. Прапагандысты-журналісты, медыйшчыкі і рознага роду экспэрты, якія спрыялі акупацыі, мілітарызацыі дзіцячага выхавання і распальванні варожасці супраць Украіны украінцаў, крымскіх татараў і іншых нацыянальнасцяў - група асаблівай увагі, злачынствы якіх будуць расследаваны украінскімі, а пры неабходнасці міжнароднымі праваахоўнымі структурамі.

«Законна па прысудзе суда будуць пазбаўленыя свабоды, званняў, пенсійнага забеспячэння, маёмасці, гонару і павагі», - канстатаваў сакратар РНБА.

6. Грамадзяне Расейскай Федэрацыі, якія незаконна прыехалі пражываць на Крымскім паўвостраве пасля лютага 2014 года, павінны неадкладна пакінуць тэрыторыю Украіны ў вызначаны законам тэрмін.

7. Угоды, учыненыя не па ўкраінскім заканадаўстве пасля лютага 2014 года, у тым ліку па нерухомай маёмасці, прызнаюцца нікчэмнымі - закон, які дзейнічае ўжо 9 гадоў. Права ўласнасці на маёмасць застаецца за грамадзянамі Украіны. Калі маёмасць прысвоеная або нацыяналізавана акупантамі, яна вяртаецца ўладальнікам.

«Важна памятаць (!) – дамы, кватэры, зямельныя ўчасткі і іншая нерухомасць, набытыя грамадзянамі Расеі ў Крыме, вартыя не больш чым будучыня Аксёнава або надзеі на выхад Канстанцінава і падобнага калабаранцкага хламу па ўмоўна-датэрміновым вызваленні», – дадаў Данілаў.

8. Транспартны пераход у горадзе Керч Аўтаномнай Рэспублікі Крым дэмантуецца з мэтай забеспячэння поўнай волі мараходства ў рамках праграмы пакрыцця шкоды.

9. Рэалізуецца комплексная праграма «дэтаксікацыя» – нейтралізацыя наступстваў шматгадовага дзеяння расейскай прапаганды на грамадскую свядомасць часткі насельніцтва паўвострава. Між іншым, выкарыстоўваючы досвед прымянення дзейсных метадаў дэнацыфікацыі Нямеччыны ў 40-х гадах, сярод якіх удзел выяўленых груп актыўнай падтрымкі расейскай акупацыі ў грамадскіх работах у аднаўленні разбураных украінскіх гарадоў, працэсах эксгумацыі і перапахавання ахвяр расейскай агрэсіі (для асоб, прызнаных вінаватымі ў такіх злачынствах судом). Прадастаўленне максімальна шырокага доступу да інфармацыі аб злачынствах пуцінскага рэжыму.

10. Стварэнне дакументальнай базы фактаў расейскіх злачынстваў супраць украінскіх грамадзян, якія супраціўляліся акупацыі. Аднаўленне ў правах украінскіх і крымскататарскіх актывістаў.

11. Неадкладнае вызваленне ўсіх грамадзян Украіны, крымскіх татараў, украінцаў, якія пераследуюцца РФ паводле палітычна матываваных прыкмет з 2014 года з кампенсацыяй нанесенай маральнай шкоды.

12. Улічваючы месца і ролю ў ідэалогіі рашызму, сістэме негатыўнага міфаўтварэння і перапісвання гісторыі, так званы «горад расейскай славы» (маецца на ўвазе Севастопаль - рэд.) пераназываецца ў «Аб'ект №6».

«Вярхоўная Рада Украіны пазней прымае рашэнне аб новай назве горада. Магчыма, Ахціяр», - прапануе ён.