«Запуск рухавіка будзе заблакаваны, рыхтуйце $1000»

Экспэрт расказаў аб сюрпрызах на СТА ў беларускіх рэгіёнах.

Новыя аўто з Еўропы зноў набываюць папулярнасць. Але ўладальнікам такіх аўтамабіляў і тым, хто плануе іх куплю варта разумець, што далёка не кожная СТА сёння гатовая абслужыць гэтыя аўто якасна і адпаведна з рэкамендацыямі завода-вытворцы. Гэта высокатэхналагічныя мадэлі, да якіх патрэбен адмысловы падыход. Нават замена алівы можа ператварыцца ў самы сапраўдны квэст! А што цяпер прапануюць на рынку, колькі каштуюць алівы і сэрвісныя паслугі і чым небяспечна для рухавіка выкарыстоўваць аліву з непрыдатным допускам?

Тэхнічны экспэрт Антон Матасевіч расказаў av.by, што адбываецца на СТА ў беларускіх рэгіёнах.

«Бярыце хадавое». Які цяпер асартымент маторных аліваў?

Рэальны прыклад - Renault Megane IV (2018 г. в.) з 1,5-літровым дызельным рухавіком экалагічнага стандарту «Еўра-6». Пры куплі аўтамабіля ўладальнік не ведаў нічога аб сістэме AdBlue і аб тым, што гэтыя маторы адчувальныя да якасці алівы. Хоць вытворца настойліва рэкамендуе ў пазбяганне праблем выкарыстоўваць для такіх аўто толькі аліву з допускам RN17.

Гаспадар аўтамабіля патэлефанаваў у некалькі інтэрнэт-крам, а там паняцця не мелі, якая аліва падыходзіць для яго машыны. У найлепшым выпадку прапаноўвалі нешта «хадавое», «прэміяльнае» і тое, што «добра бяруць».

Нават калі ўладальнік ведае і пра AdBlue, і пра допуск RN17, то знайсці аліву ўсё адно вельмі складана. І не факт, што не прададуць кантрафакт.

Роскід коштаў паслуг сэрвісаў у рэгіёнах

Дапусцім, не без цяжкасцяў і пераплаты, але аўтаўладальнік знайшоў патрэбную аліву. Цяпер трэба яе памяняць.

- Я захацеў даведацца актуальныя цэны гэтай стандартнай працэдуры, - распавядае тэхнічны экспэрт афіцыйнага сэрвісу APS Антон Матасевіч. - Прычым патэлефанаваў менавіта ў рэгіёны: раптам за межамі сталіцы танней і ведаюць аб аўтамабілі ўсё? Заадно даведаўся кошты іншых самых папулярных запчастак і працы для іх замены. Параўноўваць буду менавіта з афіцыйнымі дылерамі Renault у рэгіёнах.

Вынікі атрымаліся наступныя:

Высветлілася, што многія СТА ў рэгіёнах гатовыя памяняць аліву за 20—30 рублёў. Але з аглядам падвескі не ўсё так проста. Дыягностыка хадавой - важная і патрэбная працэдура, але не заўсёды зручна ехаць асобна для яе агляду. Таму большасць сэрвісаў імкнуцца сумясціць гэтую працэдуру, напрыклад, з заменай алівы. У некаторых выпадках на СТА ў рэгіёнах яна платная — ад 10 да 25 рублёў, а яшчэ часам бяруць за яе папярэднюю аплату.

Таксама экспэрта збянтэжыла коштаўтварэнне сэрвісных паслуг на СТА ў рэгіёнах. Даражэй за ўсё ў Гомелі, Гародні і Магілёве, а таксама ў Пінску і Салігорску.

Чым небяспечная для матора аліва з непрыдатным допускам?

Гэта небяспечна вялікімі марнаваннямі, асабліва калі чалавек плануе ездзіць на аўтамабілі доўга і разлічвае на яго беспраблемную эксплуатацыю.

Рэальны прыклад наступстваў: калі ЭБУ ў Renault зафіксуе праблему з сістэмай SCR, то праз пэўны прабег запуск рухавіка будзе заблакаваны. І развязаннем стане толькі дарагі рамонт - ад 1 000 даляраў!

Пры ўсёй разнастайнасці варыянтаў выбар не такі ўжо шырокі. Але галоўнае, што ён усё ж ёсць. За апошні год намеціўся вельмі цікавы трэнд: афіцыйны сэрвіс пры параўнанні коштаў з гаражамі і СТА (яны традыцыйна прывязваюць кошты паслуг да курсу валюты) выглядае часцяком больш даступна, яго адмыслоўцы ведаюць аб аўтамабілі кліента ўсё і нават больш.