Вайсковы эксперт: Лукашэнка пераплюнуў Пуціна

Дыктатар становіцца мішэнню нумар адзін.

Украінскі вайсковы блогер Алег Жданаў для «24 канала» пракаментаваў размяшчэнне ў Беларусі расейскай ядзернай зброі.

"Калі Пуцін казаў, што Расея заканчвае будаўніцтва сховішча для тактычнай ядзернай зброі і плануе 1 ліпеня заканчэнне будаўнічых работ, то Лукашэнка загаварыў аб міжкантынентальных балістычных ракетах", - растлумачыў ён.

На ягоную думку, Лукашэнка нават пераплюнуў расейскага дыктатара Уладзіміра Пуціна.

«Якім трэба быць дурнем, каб думаць, што размяшчэнне чужой ядзернай зброі на сваёй тэрыторыі дапаможа абараніцца ад NATO? Наадварот, вы становіцеся мішэнню нумар адзін», - засяродзіў увагу Алег Жданаў.

Вайсковы эксперт паведаміў, што менавіта гэта і павялічвае прыярытэт агнявога ўдару менавіта па тэрыторыі Беларусі.

Паводле ягоных слоў Беларусь цяпер трапіла пад пагрозу, дакладней, у такое становішча яе ўцягнуў сам Пуцін. Гэта азначае, што менавіта па беларускай тэрыторыі можа быць першым нанесены ўдар канвенцыйнай зброяй па месцы захоўвання ядзернага ўзбраення.

«У выніку гэтага ўдару базы будуць разбураныя, і атрымаецца эфект «бруднай» бомбы», - заявіў Жданаў.