У Менску прадаецца стыльная кватэра ў незвычайным месцы

Кошт - 150 тысяч даляраў.

З фатаграфій гэтай кватэры складана паверыць, у якім месцы яна знаходзіцца. Прасторная тройка з дызайнерскім рамонтам, велізарным перадпакоем і кухняй на 13 «квадратаў» у панэльцы ў Каменнай Горцы - такое сустрэнеш не так ужо і часта. Realt.by паказвае гэты варыянт у дэталях.

Дом знаходзіцца каля колавай дарогі, на адрасе Каменнагорская, 60. Гэта панэльны дом 2014 года.

Агульная плошча кватэры - 90 «квадратаў», 55,7 з іх жылыя. Кухня займае амаль 13 квадратных метраў. Планіроўка кватэры дастаткова незвычайная: вялікія пакоі нестандартнай формы, у некаторых па некалькі вокнаў. Адзін з пакояў большы за 25 метраў, яшчэ адзін - 18 і самы маленькі - 12 «квадратаў».

Кватэра выглядае стыльнай ужо з уваходу: яркія чырвоныя ўваходныя дзверы з люстэркам, цёмна-шэрыя шафы і светлыя сцены дапаўняюць адзін аднаго.

Ніжняя частка кухоннага гарнітура выканана ў смарагдавым колеры, верхнія шафкі па колеры і фурнітуры пераклікаюцца з шафамі ў пярэднім пакоі. З тэхнікі на фота бачны духавая шафа, варачная панэль, выцяжка і двухдзверная лядоўня. Ёсць зашклёная лоджыя з выхадам з кухні.

У гасцёўні ёсць убудаваныя шафы для захоўвання. У гэтым пакоі шырокія дзверы, пераклікаюцца па колеры з кухонным гарнітурам. Тут стаіць вялікая канапа, крэслы і часопісны столік. Ёсць тэлевізар. На падлозе ў жылых пакоях ляжыць паркет.

У спальні ёсць два акны. Стаіць двухспальны ложак, крэсла для адпачынку, шафа і камода.

Некалькі вокнаў і ў дзіцячым пакоі. Тут ёсць двух'ярусны дзіцячы ложачак, канапа, вялікая яркая шафа жоўтага колеру.

Санвузел у кватэры раздзельны. У ванным пакоі ёсць дзве ракавіны і ванна.

Кошт - 150 тысяч даляраў (1672 даляра за метр).