У Кіеве грымнулі магутныя выбухі падчас паветранай трывогі
17- 29.05.2023, 12:18
- 16,292
Агулам было чуваць больш за 10 магутных выбухаў у цэнтры места.
У панядзелак, 29 траўня, у Кіеве была абвешчаная паветраная трывога. Праз некалькі хвілін у цэнтры места грымнула сэрыя магутных выбухаў. Пра гэта паведамляе "Апостраф" з месца выбухаў.
Выбухі паргучалі праз некалькі хвілін пасля абвяшчэння паветранай трывогі. Агулам было чуваць больш за 10 магутных выбухаў у цэнтры сталіцы.
Маніторынгавыя каналы паведамляюць аб ракетнай небяспецы з поўначы, абвешчаная паветраная трывога.
«Выбухі ў месце! У цэнтральных раёнах. Заставайцеся ў сховішчах!», - напісаў у сваім Telegram-канале мэр Кіева Віталь Клічко.
Паводле ягоных слоў, экстранныя службы ўжо выехалі на выклік паблізу цэнтра сталіцы.
«Атака на Кіеў доўжыцца. Не пакідайце сховішчаў!», - падкрэсліў Клічко.
У КМВА дадалі, што ў Абалонскі раёне адломкі ракеты ўпалі на праезную частку дарогі.
«Выратавальна-пажарныя службы тушаць адломкі ракеты, якія гараць на праезнай частцы дарогі ў Абалонскі раёне», - паведаміў Клічко.
Таксама ў АК "Поўнач" паведамілі аб рабоце сіл СПА ў Чарнігаўскай вобласці.
Пад 11.40 паветраная трывога агарнула і ўсе заходнія вобласці.
У КГВА апублікавалі аперацыйную інфармацыю аб нападзе акупантаў на сталіцу.
«Папярэдняя інфармацыя. У выніку работы СПА для збівання варожых цэляў адбылося падзенне адломкаў у Падольскім раёне. Інфармацыя аб пацярпелых і пашкоджаннях удакладняецца.
Таксама ў Абалонскі р-не на праезную частку. Усе экстранныя службы працуюць на месцах. Інфармацыя аб разбурэннях і пацярпелых удакладняецца», - паведамілі ў КМВА.
«У адным з раёнаў Кіеўшчыны ў выніку нападу акупантаў пашкоджаны гаспадарчы дом. Шугануў агонь. Пацярпелых няма», - паведаміў начальнік паліцыі Кіеўскай вобласці Андрэй Нябітаў.