Польскіх памежнікаў абстралялі з тэрыторыі Беларусі
13- 16.06.2023, 7:56
- 27,518
Патрапілі ў аўтамабіль з афіцэрамі.
У Польшчы група памежнікаў упершыню была абстраляная з боку Беларусі, у выніку чаго была абвешчаная трывога.
Пра гэта паведамляе RMF24.
Інцыдэнт здарыўся некалькі дзён таму. Кіраўнік аддзела, які трапіў пад абстрэл, адрапартаваў аб інцыдэнце ў польскім Сэйме.
Пад абстрэл патрапіў аўтамабіль з польскімі памежнікамі, у тым ліку сярод іх былі двое афіцэраў. Пакуль невядома, хто і з чаго страляў, але зафіксаваны аб'ект, які з вялікай моцай ударыў самаход.
Са слоў палкоўніка памежнай службы Польшчы Аркадыюша Ціванюка, хуткасць і кінэтычная энэргія былі значныя.
«Не ведаю, ці стралялі з пнэўматычнай зброі, але ў кожным выпадку ён прайшоў праз бакавое акно транспартнага сродку, вылецеў з другога боку і прайшоў праз іншае акно. Адзначаю, што ў транспартным сродку знаходзіліся два афіцэры, што таксама пагражала іхняму жыццю і здароўю», - заявіў Ціванюк.
Акрамя таго, са слоў Ціванюка, ці не штодня ў бок польскіх памежнікаў ляцяць камяні.