Залужны пацвердзіў вызваленне Пяціхатак
6- 19.06.2023, 15:34
- 7,328
Гетман УСУ паказаў відэа работы ўкраінскіх байцоў.
У Генеральным штабе Узброеных сіл Украіны пацвердзілі вызваленне ад акупантаў Пяціхатак Запарожскай вобласці. Відэа работы ўкраінскіх байцоў паказаў гетман УСУ Валерый Залужны.
Як адзначыў украінскі гетман, байцы 128-й асобнай горна-штурмавой Закарпацкай брыгады вызвалілі ад расейскіх акупантаў паселішча Пяціхаткі Запарожскай вобласці.
Адзначым, што сёння вызваленне Пяціхатак пацвердзіла намесніца міністра абароны Украіны Ганна Маляр. Са слоў вайскоўцаў, акупанты ўцякалі, кідаючы тэхніку і баявыя прыпасы, зброю.
Контрнаступ УСУ працягваецца
Паводле інфармацыі Мінабароны Украіны, на мінулым тыдні на паўднёвым кірунку Сілы абароны праводзілі наступ на Бярдзянскім і Мелітопальскім кірунках.
На гэты час пацверджанае ўжо вызваленне такіх паселішчаў: Навадараўка, Ляваднае, Старажова, Макароўка, Благадатнае, Лабковае, Няскучнае і Пяціхаткі.
Увогуле за час наступальных дзеянняў Сілы абароны на поўдні прасунуліся ў глыбіню абароны супраціўніка на 7 км і вызвалілі блізу 113 км.кв.
