Лукашэнка пра Гаагу: Мяне ў крымінальны суд! За што?

Дыктатар занэрваваўся.

Аляксандр Лукашэнка адрэагаваў на збор матэрыялаў у справе аб незаконным перамяшчэнні ўкраінскіх дзяцей у Беларусь. Сёння ў Міжнародны крымінальны суд у Гаазе былі перададзеныя довады дачынення Лукашэнкі да вывазу дзяцей.

«Слухайце, ну трэба быць вар’ятамі. Лахушка гэты са сваімі гэтую кампанію пачаў: мы дзяцей крадзем! Ну, прыйшоў гэты хлопец, Лёша Талай. Ён ваюе, ён туды-сюды ездзіць, гэтых дзетак цягне, 10 разоў там звяртаўся. Я выйшаў на Пуціна, кажу: Слухай, давай мы частку саюзнага бюджэту выдаткуем на гэтых дзетак. Ну вось так і пачалі прывозіць. Аздаравілі, яны з'ехалі. З'язджаць не хочуць! А мяне ў крымінальны суд! За што? Калі пачаўся гэты працэс аздараўленне дзяцей, я неяк прапусціў, не ведаў нават, за што туды вязуць. Мяне ўжо ў крымінальны суд за гэта. Гэта ўжо вірутнікі далей няма куды. Гэта ўжо хапаюцца за абы-што», - заявіў Лукашэнка.

Нагадаем, у сакавіку гэтага года МКС выдаў ордэр на арышт Уладзіміра Пуціна. Ён падазраецца ў датычнасці да незаконнай дэпартацыі дзяцей з Украіны ў Расію. ПАРЕ прыняла рэзалюцыю, у якой адзначаецца, што згодна з нормамі міжнароднага права прымусовая дэпартацыя – гэта прыкмета генацыду, таму ўсе выпадкі павінны расследавацца, а ўсе, хто мае дачыненне, панесці адказнасць. АБСЕ кваліфікавала вываз украінскіх дзяцей як ваеннае злачынства.