Пянткоўскі: У Пуціна будзе класічнае «Лебядзінае возера»

Эксперт назваў галоўную ўразлівасць кіраўніка Крамля.

Палітолаг з Вашынгтона Андрэй Пянткоўскі мяркуе, што будучыя ўлады Расеі абвінавацяць Пуціна ў пройгрышы вайны.

Аб гэтым ён сказаў у эфіры тэлеканала «Эспрэса».

«Ведаеце, у чым уразлівасць Пуціна ў гэтай сітуацыі? Мы ўжо бачым наратыў, які будучая ўлада Расеі будзе прапаноўваць свайму народу: мы гераічна змагаліся, але мы саступілі праз здраднікаў. Але гэты наратыў нашмат лягчэй прапанаваць без Пуціна, дадаўшы Пуціна калі не да здраднікаў, то да вінаватых у гэтай вайне. Пуціну гэты наратыў будзе немагчыма выказваць, бо той жа Прыгожын пачынае свае заявы з таго, што не мы прыдумалі гэтую вайну», - падкрэсліў Пянткоўскі.

Палітолаг таксама дадаў, што расправа з генераламі будзе бязлітаснай, дзясятак расейскіх генералаў, хутчэй за ўсё, расстраляюць.

«У Пуціна будзе класічнае «Лебядзінае возера» і паведамленне, што таварыш Пуцін дапусціў шэраг сур'ёзных памылак ва ўкраінскім пытанні. У яго пагоршылася здароўе, таварыш Сі даслаў санітарны самалёт і мы адправілі яго на працяглае лячэнне. Я думаю, што з Пуціным яны зробяць менавіта так. Таму што без Пуціна, зваліўшы на яго прэс віны, ім значна лягчэй будзе абвясціць такі наратыў, які палягчае душу і натхняе народ на ліквідацыю ворагаў і здраднікаў», - адзначыў Пянткоўскі.