28 сакавiка 2024, Чацвер, 18:41
Падтрымайце
сайт
Сім сім,
Хартыя 97!
Рубрыкі

Польскі добраахвотніцкі корпус увайшоў у Белгародскую вобласць РФ

33
Польскі добраахвотніцкі корпус увайшоў у Белгародскую вобласць РФ

Байцы разам з расейскімі добраахвотнікамі ўзялі ПКК «Грайварон» і апублікавалі відэа рэйду.

Байцы «Польскага добраахвотніцкага корпуса» (ПДК) заявілі, што разам з «Рускім добраахвотніцкім корпусам» (РДК) і Легіёнам «Свабода Расеі» таксама ўдзельнічаюць у рэйдах на тэрыторыі Белгародскай вобласці РФ.

«Усе задаюць нам адно пытанне, ці бралі мы ўдзел у аперацыі на тэрыторыі Белгародскай вобласці...

Адказ адназначны: вядома, так!

Польскі Добраахвотніцкі корпус удзельнічаў у выкананні баявой задачы разам з «Рускім добраахвотніцкім корпусам».

У аперацыі ўзялі ўдзел першая штурмавая група ПДК. Усе вярнуліся з задання цэлымі і непашкоджанамі. Пастаўленая задача выкананая паспяхова. Мы можам паказаць, што першымі, разам з адной з баявых групаў РДК, дабраліся да месца прызначэння», - паведамілі польскія добраахвотнікі.

Паводле інфармацыі расейскіх СМІ, байцы «Польскага добраахвотніцкага корпуса» разам з расейскімі добраахвотнікамі ўзялі КПП «Грайварон» на тэрыторыі РФ.

Як паведамляў сайт Charter97.org, байцы «РДК» і легіёна «Свабода Расеі» пачалі другую фазу ваеннай аперацыі на тэрыторыі РФ.

Расейскія добраахвотнікі прарвалі мяжу РФ і рухаюцца наперад у кірунку населенага пункта Шабекіна Белгародскай вобласці.

Залпамі з «Градаў» знішчанае кіраўніцтва расейскіх вайскоўцаў у будынку ўправы МУС у Шабекіне. Акрамя таго, падчас баёў падбіты варожы грузавік з боекамплектам і самаходны мінамёт «Цюльпан». Таксама расейскія добраахвотнікі знішчылі вялікую колькасць варожай тэхнікі ў пасёлку Новай Тавалжанцы, побач з горадам Шабекіным.

Пазней з'явілася інфармацыя, што расейскія добраахвотнікі ўвайшлі ў прадмесці Шабекіна.

На раніцу 4 чэрвеня войскі РФ страцілі кантроль над Шабекіным.

Напісаць каментар 33

Таксама сачыце за акаўнтамі Charter97.org у сацыяльных сетках