28 верасня 2023, Чацвер, 1:41
Сім сім, Хартыя 97!
Рубрыкі

Шайгу і Герасімаў «купіліся»: Рэзнікаў абвёў вакол пальца генералаў РФ

6
Шайгу і Герасімаў «купіліся»: Рэзнікаў абвёў вакол пальца генералаў РФ

Міністр абароны Украіны правёў бліскучую вайсковую аперацыю.

На гэтым тыдні вайсковае камандаванне Украіны правяло тры паспяховыя аперацыі, абвёўшы вакол пальца Маскву. У адной з іх удзел прыняў непасрэдна ўкраінскі міністр абароны Аляксей Рэзнікаў.

Пра гэта ў сваім відэаблогу ў YouTube расказала расейская журналістка, гісторык Юлія Латыніна.

Гэтая аперацыя, адзначыла яна, прайшла практычна незаўважна для свету. І гэта вельмі незаслужана, бо ўкраінскія вайскоўцы вельмі прыгожа падманулі ворага.

Нядаўна Рэзнікаў паднёс брытанскаму калегу вельмі цікавы падарунак - фатаграфію ўкраінскага самалёта Су з падвешанымі ракетамі Storm Shadow.

Гэтае фота хутка разляцелася па СМІ і Сеціву. На ім, апроч самалёта, меўся значок, які паказваў на месца базавання ў Стараканстанцінаве.

«Расейскія разведчыкі, якія лічаць сябе разумнымі, падумалі: «Як пракалоўся ўкраінскі міністр абароны». Па гэтым Стараканстанцінаву прылятае шмат усялякага лятаючага хламу, які на гэты раз нават ніхто не перахапляе», - распавяла Латыніна.

Пасля гэтага Z-каналы лікавалі, распавядаючы, як па-майстэрску іх ракеты разбілі ўкраінскую авіябазу з брытанскімі ракетамі. А дарма. Ніякай авіяцыі там не было і ў паміне. Рэзнікаў проста абвёў вакол пальца расейскіх генералаў, прымусіўшы іх марнаваць дарагія ракеты на ілжывую цэль.

«На другім годзе вайны… Ну ведама гэта былі хітрыкі! Бо ў іншым выпадку іх бы перахапілі як-небудзь. СУшкі са Storm Shadow як лёталі, так і працягваюць лётаць. А Расея выдаткавала некаторую колькасць ракет… Не так шмат, але прыемна. Расейскае камандаванне, як мы бачым, купілася цалкам», - распавяла журналістка.

Апроч гэтай аперацыі, украінцы рэалізавалі яшчэ дзве. Па-першае, стварылі ў камандавання УС РФ поўную ўпэўненасць, што контрнаступленне пачнецца ў лічаныя дні. Гэта выклікала паніку ў шэрагах акупантаў: вайскоўцы РФ пачалі ліхаманкава мінаваць Бахмуцкі кірунак, перашкаджаючы гэтым бегчы з пазіцый «вагнераўцам».

Яшчэ адна важная аперацыя - гэта рэйд расейскіх добраахвотнікаў у Белгарадскую вобласць.

«На нашых вачах Залужны ні адкуль стварыў другі фронт… Ён прымусіў Пуціна ўспомніць, што ёсць 700 км мяжы, якая не ахоўваецца… Туды адправілі тэрміновую службу. Гэта стотысячны корпус, які быў апошнім рэзервам Герасімава… Задача ўсёй гэтай аперацыі выканана на 5+. Я здымаю капялюш… Залужны па-майстэрску стварае нечаканасці», - канстатавала Латыніна.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».