«Стоп Путлер»: заўзятар з антываеннымі заклікамі выбег на поле ў фінале жаночага ЧС у футболе
1- 20.08.2023, 16:30
- 7,998
Фотафакт.
Невядомы мужчына забегам на полі вызначальнага матча чэмпіянату свету 2023 паміж камандамі Гішпаніі ды Англіі выявіў салідарнасць з Украінай, якая абараняе ўласны суверэнітэт у вайне з Расеяй.
Пра гэта паведамляе Relevo.
The pitch invader who came on the pitch during the World Cup final between England and Spain wore a shirt in support of Ukraine and against Russia President Vladimir Putin, calling him "Putler." #ESPENG pic.twitter.com/gKaRaa48Iy
— DW Sports (@dw_sports) August 20, 2023
Заўзятар перапыніў сустрэчу ў першым тайме. На 26-й хвіліне ён стаў ініцыятарам інцыдэнту з выбяганнем на поле.
Фанат у медыцынскай масцы праслізнуў міма аховы і апынуўся на траўніку арэны ў Сіднэі. Мужчына надзеў футболку з двума надпісамі — "Спыніць Путлера" і "Вызваліць Украіну". Заўзятар з палітычнай пазіцыяй спрабаваў падбегчы да лідэркі ангелек Гэмп, але быў пільна затрыманы стуардамі.
Путлер — складзены з прозвішчаў прэзідэнта РФ Пуціна і нямецкага дыктатара Гітлера нэалагізм. Расейская апазіцыя і ўкраінская прэса пачалі выкарыстоўваць слова яшчэ да поўнамаштабнага расейскага ўварвання ва Украіну. Пакрысе тэрмін стаў папулярны і на Захадзе.
