Тытунёвы гігант British American Tobacco прадаў свой бізнэс у Беларусі

Кампанія таксама прадала бізнэс у РФ.

Тытунёвы гігант British American Tobacco канчаткова прадаў свой бізнэс у Расеі і Беларусі.

Пра гэта гаворыцца ў заяве кампаніі.

«У дадатак да нашай аб'явы ад 7 верасня 2023 года мы скончылі продаж нашых расейскіх і беларускіх прадпрыемстваў», - гаворыцца ў паведамленні.

Кампанія адзначыла, што продаж быў ажыццёўлены ў адпаведнасці з мясцовым і міжнародным заканадаўствам і пасля атрымання ўсіх неабходных дазволаў.

Другі па велічыні ў свеце вытворца тытунёвай прадукцыі. Штаб-кватэра карпарацыі знаходзіцца ў Лондане. У партфель кампаніі ўваходзяць такія брэнды, як Dunhill, Kent, Vogue, Pall Mall, Lucky Strike і іншыя.

На мінулым тыдні British American Tobacco заявіла, што прадасць свае расейскія і беларускія прадпрыемствы кансорцыуму на чале з расейскай камандай мэнэджараў, скончыўся 18-месячны працэс.

Кампанія BAT, якая кантралявала крыху менш за 25% расейскага тытунёвага рынку, заявіла, што цяпер афіцыйна пагадзілася прадаць бізнэс у адпаведнасці з мясцовымі і міжнароднымі законамі.

«Пасля заканчэння BAT больш не будзе прысутнічаць у Расеі ці Беларусі і не будзе атрымліваць ніякага фінансавага прыбытку ад продажаў на гэтых рынках», - заявілі ў кампаніі, дадаўшы, што чакаюць заканчэння ўгоды цягам наступнага месяца.