«Псіхіятрычны эпізод»: навошта Пуцін на сустрэчы з Лукашэнкам плёў глупства пра танцы

Беларускі дыктатар выконваў ролю мэблі.

Расейскі дыктатар уважае, што з'яўляецца спецыялістам ва ўсіх сферах. Так, падчас сустрэчы з беларускім калегам Уладзімір Пуцін знянацку загаварыў пра танцы.

Вядоўца канала Хадаркоўскі LIVE, расейскі апазіцыйны журналіст Сяргей Асланян сказаў «24 Каналу», што гэта даволі дзіўны эпізод, бо ён хутчэй псіхіятрычны.

«Вельмі наглядная ілюстрацыя шматлікіх адхіленняў. Сурʼёзна абагульняць такім чынам, блытаючы танцы і нейкі сілавы ўплыў... Гэта набор слоў, не вельмі звязаных па сэнсе», – адзначыў Асланян.

Была дапушчаная памылка

Так, Пуцін заявіў, што амерыканцы «самі не ўмеюць танцаваць танга», таму што «стараюцца ўсё развязваць з пазіцыі сілы», у тым ліку з дапамогай эканамічных санкцый. Дыктатар не толькі абʼяднаў неспалучальнае – танцы і сілавы ўплыў, але яшчэ і пераблытаў паходжанне танга – гэта не Паўночная Амерыка, а Паўднёвая.

«А далей стандартны набор зневажанняў наконт гапака і чужой дудкі. Відаць, гэта была ключавая фраза», – лічыць Асланян.

Цікавей за ўсё на гэтай клаўнадзе было назіраць за Аляксандрам Лукашэнкам, якому нібыта адрасаваўся маналог Пуціна. Хутчэй за ўсё, дыктатар быў нечым накшталт мэблі.