У Гародні глыбокую яму «залаталі» незвычайным спосабам.

Наўрад ці гэтае ноу-хау праслужыць доўга.

Пацешную фатаграфію ў рэдакцыю Newgrodno.by даслалі чытачы. У адным з двароў па праспекце Янкі Купалы глыбокую яму «залаталі» незвычайным спосабам. Хтосьці паклаў у яе складзеную ў некалькі разоў тоўстую коўдру.

Відаць, кіроўца такім чынам паклапаціўся пра машыну. Яму аб'ехаць складана, траплянне ж у яе можа даць праблемы з падвескай і коламі. Вядома, коўдра не моцна «змякчыць» сітуацыю. Ды і наўрад ці гэтае ноу-хау праслужыць доўга.

Хутчэй за ўсё, гэта крык душы і сігнал адказным службам. На яму трэба звярнуць увагу, бо яна на гэтым месцы не ўчора ўтварылася.