Украінскія памежнікі выказаліся пра цяперашнія вайсковыя вучэнні ў Беларусі

УСУ на поўначы ўзмацняюць пільнасць і рыхтуюцца да рэагавання.

Вайсковыя вучэнні ў Беларусі, актыўная фаза якіх стартуе ўжо хутка, не нясуць значнай пагрозы Украіне. Пра гэта паведамляе БК-УкраінаР са спасылкай на заяву спікера Дзяржаўнай памежнай службы Украіны Андрэя Дземчанкі.

– Мы назіраем за тым, што ў найбліжэйшыя дні на тэрыторыі Беларусі павінна адбыцца актыўная фаза вучэнняў, але паводле нашай інфармацыі гэта выключна падраздзяленні войска Беларусі будуць удзельнічаць на палігонах, якія аддаленыя ад мяжы з Украінай. Магу адзначыць, што значнай пагрозы гэта Украіне не нясе, – заявіў Дземчанка.

Паводле ягоных словаў, памежнікі прадаўжаюць уважліва сачыць за тым, што адбываецца на тэрыторыі Беларусі. Ён удакладніў, што ў Расеі цяпер няма дастатковай колькасці сілаў на тэрыторыі РБ, каб стварыць рэальную пагрозу паўторнага ўварвання з поўначы ці нават для правакацый.

Нагадаем, яшчэ ўчора, 21 верасня, камандзір Аб'яднаных Сілаў УСУ Сяргей Наеў расказаў пра ваенныя вучэнні ў Беларусі. Ён адзначыў, што пагрозы няма, але ёсць пэўная небяспека.

Таму, паводле словаў Наева, украінскія вайскоўцы на поўначы ўзмацняюць пільнасць і рыхтуюцца да рэагавання.