Борыс Джонсан намякнуў на вяртанне ў палітыку

Палітык запомніўся як адзін з самых жорсткіх крытыкаў Масквы і прыхільнік Украіны.

Былы брытанскі прэм'ер Борыс Джонсан, які займаў пасаду ў 2019-2022 гадах, намякнуў на магчымае вяртанне ў палітыку ў эфіры Times Radio.

Спачатку ён прыменшыў свае шанцы зноў узначаліць урад, сказаўшы, што гэта гэтак жа імаверна, як «быць аслепленым коркам ад шампанскага [ці] абезгалоўленым фрысбі». У адказе на пытанне аб магчымых палітычных амбіцыях Джонсан нагадаў аб фразе, сказанай яму каралевай Элізабэт II: «Вы павінны рабіць тое, што ўважаеце патрэбным, толькі калі мяркуеце, што можаце быць карысныя». Журналісты ўдакладнілі: ці ўважае ён сябе бескарысным? У адказ палітык зазначыў, што такога не казаў.

«Каб палітыкі былі эфектыўныя, яны павінны быць падобныя да осаў у слоіку з-пад варэння. Яны павінны ўвесь час, нібы прусакі, імкнуцца выжыць і працягнуць сваё існаванне», - распавёў Джонсан.

Джонсан заклікаў не паддавацца «празмернаму песімізму» наконт рэспубліканца Дональда Трампа, які можа перамагчы на лістападаўскіх выбарах прэзідэнта ЗША. Ён нагадаў аб пастанове Трампа перадаць Украіне супрацьтанкавыя ракетныя комплексы Javelin у 2018 годзе, звярнуўшы ўвагу, што гэта зрабіў не палітык-дэмакрат. На яго прэзідэнцтва прыпала і высылка 60 расейскіх дыпламатаў паводле падазрэння ў шпіянажы.

«Так што ён можа вельмі моцна здзівіць са станоўчага боку», – дапускае былы брытанскі прэм'ер.

Джонсан - чалец Кансерватыўнай партыі (торы). У перыяд яго прэм'ерства прайшла пандэмія каранавіруса і пачалася вайна РФ ва Украіне. Палітык запомніўся як адзін з самых жорсткіх крытыкаў Масквы і прыхільнік украінскага боку, ён заклікаў не стамляцца ад надання ёй падтрымкі насуперак патрабаванням Масквы спыніць дапамагаць Кіеву. Джонсан пайшоў у адстаўку ў ліпені 2022-га. Затым гэтую пасаду ненадоўга заняла Ліз Трас, якую змяніў Рышы Сунак.

У 2024-м урад узначаліў лідар Лейбарысцкай партыі (вігі) Кір Стармер, кансерватары на выбарах саступілі. Параза для іх стала найбуйнейшай сярод усіх парламенцкіх выбараў у сучаснай гісторыі Вялікай Брытаніі: партыя саступіла не толькі лейбарыстам, але і вельмі правай Reform UK, а таксама цэнтрысцкім «Ліберальным дэмакратам».

Правал пры галасаванні выклікаў крызіс у партыі, там пастанавілі перабудавацца і адваяваць пазіцыі, новага лідара партыі абяруць да 2 лістапада. Сярод прэтэндэнтаў два фіналісты, якія прытрымліваюцца правых пазіцый: Кемі Бадэнох і Роберт Джэнрык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com