У Жодзіне шалёны бяздомны кот пакусаў хатняга сабаку

У раёне ўвялі каранцін.

Нечаканае здарэнне ўскалыхнула Жодзіна. На вуліцы 8 сакавіка агрэсіўны бяздомны кот напаў на сабаку менчукоў, якія прыехалі ў госці. Як высветлілася пазней, у ката было шаленства, піша Ex-press.live.

Мясцовыя ўлады абвясцілі двухмесячны каранцін, каб прадухіліць магчымае распаўсюджванне небяспечнага віруса, паведамляе мясцовая газета.

28 верасня менчукі прыехалі ў Жодзіна, каб наведаць сяброў, прыхапіўшы з сабой улюбёнага сабаку. Падчас шпацыру на вуліцы 8 сакавіка каля дома №10 на жывёліну раптоўна напаў бяздомны кот.

У сутычцы кот атрымаў траўмы, ад якіх неўзабаве загінуў.

Уладальнікі сабакі, не адкладаючы, звярнуліся ў ветэрынарную станцыю ў суседніх Смалявічах. Пасля аналізу ветэрынары пацвердзілі падазрэнні - у ката было шаленства.

Вынікі лабараторных даследаванняў, якія прыйшлі 7 кастрычніка, пацвердзілі гэтае небяспечнае захворванне.

Улады Жодзіна абвясцілі каранцін у мікрараёне, дзе адбылася сутычка. Каранцін працягнецца два месяцы, і ў гэты перыяд жыхароў абавязалі строга выконваць рэкамендацыі ветэрынараў: пазбягаць кантактаў з вулічнымі жывёлінамі, вакцынаваць хатніх гадаванцаў і быць уважлівымі да ўсякіх дзівацтваў у паводзінах звяроў.

Спецыялісты падкрэсліваюць, што калі цягам гэтага тэрміна не выявяць новых выпадкаў шаленства, каранцін будзе зняты.

Апошні дагэтуль выпадак шаленства ў Жодзіне быў зарэгістраваны ў пачатку 2020 года, калі хворая ліса пакусала вартаўнічага сабаку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com