Сябар Пуціна прапанаваў вывозіць газ з Расеі на атамных падлодках

Праз Паўночны Ледавіты акіян.

Адзін з найбліжэйшых сяброў дыктатара Уладзіміра Пуціна – чалец-карэспандэнт РАН Міхаіл Кавальчук – прапанаваў інавацыйны мегапраект, які, на задумку аўтараў, дазволіць вывозіць газ з Расеі праз Паўночны Ледавіты акіян.

Як паведамляе РБК, Кавальчук прапанаваў прэзентацыю атамнага падводнага газавозу, які можа стаць альтэрнатывай традыцыйным ЗПГ-танкерам, што сталі недаступнымі для расейскіх кампаній праз заходнія тэхналагічныя санкцыі.

Згодна з заяўленымі характарыстыкамі, 360-метровая падлодка-газавоз будзе мець умяшчальнасць блізу 180 тысячаў тонаў і асадку не больш за 14 метраў. Карабель будзе аснашчаны трыма ядзернымі рэактарамі «Рытм – 200», якія забяспечаць тры вяслярныя электрарухавікі магутнасцю 30 МВт кожны.

Хуткасць падводнага газавоза складзе блізу 17 вузлоў, што дазволіць скараціць час рэйсу па Паўночным марскім шляху (ПМШ) да 12 дзён, вынікае з прэзентацыі Кавальчука.

Праект атамнага газавозу з'явіўся на фоне вострага дэфіцыту традыцыйных ЗПГ-танкераў лядовага класу. «Наватэк» – найбуйнейшы ў Расеі вытворца звадкаванага газу – планаваў набыць у 2024 годзе 16 такіх караблёў для сваіх арктычных праектаў, у тым ліку найбуйнейшага «Арктык СПГ-2».

Аднак карэйская Hanwha Ocean, якая павінна была паставіць шэсць танкераў, разарвала кантракт з расейскай кампаніяй праз санкцыі, а айчынная вытворчасць на падкантрольнай «Раснафце» верфі «Зорка» загразла ў тэхналагічных праблемах. Тэрміны вытворчасці танкераў шматразова пераносіліся: з запланаваных 15 караблёў «Наватэк» не атрымаў ніводнага, расказалі крыніцы «Коммерсанта».

Як вынік: амбіцыйныя планы развіцця Паўночнага марскога шляху абярнуліся фіяска. Паводле прагнозу «Расатама», сёлета па ПМШ перавязуць толькі 36 млн тонаў грузаў замест 80 млн тонаў, закладзеных у план яго развіцця.

Пры гэтым у 2031 годзе праз Паўночны Ледавіты акіян, паводле новых ацэнак, будзе перавезена 117 млн тонаў грузу, хоць першапачаткова планавалася не менш за 200 млн тонаў.

Міхаіл Кавальчук – брат кіраўніка банка «Расея» Юрыя Кавальчука, блізкі сябар Уладзіміра Пуціна і адзін з ідэолагаў вайны ва Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com