З Беларусі забаранілі вывозіць капусту, яблыкі і цыбулю

Прычына – дэфіцыт.

Лукашысцкі ўрад 10 кастрычніка ўвёў ліцэнзаванне вывазу белакачаннай капусты, яблыкаў і рэпчатай цыбулі. Яно будзе дзейнічаць тры месяцы, паведамілі ў прэс-службе Саўміна.

Адпаведную пастанову падпісаў прэм'ер-міністр Раман Галоўчанка.

Абмежаванне ўводзіцца на вываз капусты, яблыкаў і цыбулі незалежна ад краіны іх паходжання. Іх будуць экспартаваць за мяжу паводле разавых ліцэнзіяў, якія выдаюцца МАРГ на ўзгадненне з аблвыканкамамі (Менскім гарвыканкамам).

Пастанову пра магчымасць выдачы такой ліцэнзіі будзе прымаць упаўнаважаны орган, ацаніўшы суадносіны «свабодных рэсурсаў» гэтай прадукцыі ў Беларусі і патрэбы краіны ў ёй на момант узгаднення ліцэнзіі.

«Дакумент падпісаны ў мэтах забеспячэння ўнутранага рынку сельскагаспадарчай прадукцыяй у міжсезонны перыяд у поўным аб'ёме», – паведамілі ва ўрадзе.

Тэрмін дзеяння абмежавання – тры месяцы.

Нагадаем, пра намер увесці ліцэнзаванне на вываз з краіны капусты, цыбулі і яблыкаў напярэдадні расказаў міністр антыманапольнага рэгулявання і гандлю Аляксей Багданаў. Прычынай, паводле ягоных словаў, з'яўляецца магчымы дэфіцыт названых тавараў.

– З чым гэта звязана? Прагназуецца, што гэтага тавару можа не хапіць да канца міжсезоннага перыяду, паколькі сёння ёсць павышаны попыт на экспартным кірунку, у Расейскай Федэрацыі. І кошты там у нейкай ступені вышэйшыя, чым тут, на ўнутраным рынку, – расказаў міністр.

Кіраўнік МАРГ дадаў, што ліцэнзаванне плануецца ўвесці, «каб не было некантраляванага вывазу і быў забяспечаны ўнутраны рынак у першую чаргу».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com