«Нескладана здагадацца, пра што думаюць многія бацькі сённяшніх школьнікаў»
2- 2.10.2024, 10:45
- 4,252
«Незабыўныя» экскурсіі ў АУС маюць свой кошт.
У 2013-м у Беларусі налічвалася амаль 443 тысяч студэнтаў. Летась іх было ўжо ўдвая менш - 225 тысяч. Прычыны гэтага шмат у чым рукотворныя. Тут і спробы арганізаваць для выпускнікоў універсітэтаў і акадэмій добраахвотна-прымусовую адпрацоўку дыпломаў, і рост кошту навучання пры агульным падзенні якасці адукацыі, піша "Салiдарнасць".
У выніку многія з'язджаюць вучыцца за мяжу без асаблівага жадання вярнуцца з атрыманымі ведамі дадому. І, здаецца, улады робяць усё магчымае, каб юных беларусаў ва ўніверсітэтах Польшчы, Літвы і іншых еўрапейскіх краіны станавілася ўсё больш.
На днях усе мы маглі бачыць адзін з прыкладаў такога кшталту матывацыйных дзеянняў. У апошні дзень верасня Мазырская міліцыя зладзіла вучням 11 класаў некалькіх гарадскіх школ «незабыўную» экскурсію па будынку АУС.
У праграме сярод іншага быў супрацоўнік у масцы, які дэманстраваў дзецям зброю, а таксама фотасесія з той самай зброяй і ў камеры-«стакане».
Гэтыя фота ўсмешлівых падлеткаў з «калашамі» і помпавымі стрэльбамі ў руках – наглядная ілюстрацыя будучыню, якую гэтым дзецям рыхтуюць наладжвальнікі «незабыўных экскурсій». Выбірай «правільны» бок і тады ў тваіх руках будзе зброя, а таксама лёс тых, хто стане частым госцем цесных бетонных «стаканаў».
Няцяжка здагадацца, пра што думаюць многія бацькі сённяшніх школьнікаў, гледзячы на фота з АУС, куды ўсё часцей водзяць на «экскурсіі» іх дзяцей. Роўна, як няцяжка меркаваць, якой будзе статыстыка напоўненасці беларускіх ВНУ яшчэ праз дзесяцігоддзе, калі ўся гэтая цемра расцягнецца на гады.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
