У Вугоршчыне тысячы людзей пратэстуюць супраць дзяржаўнай прапаганды

Блізу 80% СМІ ў краіне падкантрольныя кіроўнай партыі.

Некалькі тысяч чалавек у суботу ўзялі ўдзел у масавых выступах у Вугоршчыне. Дэманстранты ў Будапешце выйшлі да будынка кампаніі MTVA, якой належаць дзяржаўныя тэлевізія і радыё. Яны называлі MTVA "фабрыкай прапаганды" і патрабавалі свабоды слова і інфармацыі для вугорскіх СМІ.

Арганізатарам пратэстаў выступіла апазіцыйная партыя TISZA. Яе ўзначальвае Петэр Мадзьяр, якога палітолагі называюць найбольш сур'ёзным канкурэнтам вугорскага прэм'ер-міністра Віктара Орбана за ўсе 15 гадоў, што той знаходзіцца ва ўладзе. На выбарах у Еўрапарламент мінулым летам партыя Мадзьяра набрала блізу 30% галасоў, ушчыльную наблізіўшыся да кіроўнай партыі Fidesz Орбана.

Выступаючы перад дэманстрантамі ў суботу, Мадзьяр назваў «глабальным скандалам» становішча дзяржаўных СМІ ў Вугоршчыне. «Даволі хамства, даволі хлусні, даволі прапаганды. У нас скончылася цярпенне. Прыйшоў час канфрантацыі», - сказаў ён.

Як мясцовыя, так і замежныя назіральнікі ўжо не першы год адзначаюць, што свабода слова ў Вугоршчыне значна абмежаваная. Яны паказваюць, што кіроўная партыя Орбана пры дапамозе звязаных з урадам алігархаў пабудавала медыяімперыю, у якой СМІ падкантрольныя дзяржаве. Міжнародная няўрадавая арганізацыя "Рэпарцёры без межаў" падлічыла, што блізу 80% медыярынку ў Вугоршчыне кантралюецца партыяй Орбана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com