Войска РФ ударыла па Мікалаеве і Запарожжы

Загінулі шэсць чалавек.

Ва ўкраінскім Мікалаеве ў выніку налёту расейскіх беспілотнікаў уночы на 11 лістапада загінулі пяць чалавек, паведамляе «Радио Свобода».

Ударам дрона разбураны прыватны аднапавярховы дом, узнік пажар. Акрамя гэтага, пашкоджаны кватэры ў чатырохпавярховым доме, там таксама ўспыхнуў агонь. Ратавальнікі ліквідавалі пажары плошчай 60 і 150 квадратных метраў, гаворыцца ў паведамленні.

Мінулай ноччу расейскія войскі нанеслі тры авіяўдары па горадзе Запарожжа, адзін чалавек загінуў, сама меней 20 параненыя. Восем чалавек шпіталізаваныя, сярод іх 4-гадовы хлопчык. Пра гэта паведаміў кіраўнік Запарожскай абласной ваеннай адміністрацыі Іван Фёдараў і ДСНС.

У выніку абстрэлу выбухной хваляй часткова разбураны двухпавярховы жылы дом, пашкоджаны інтэрнат і будынак аўтасалона.

Выратавальныя работы на месцы працягваюцца, улады праводзяць эвакуацыю жыхароў інтэрната, дадалі ў ДСНС.

Раніцай 11 лістапада Паветраныя сілы УСУ папярэджваюць аб ракетнай небяспецы, па ўсёй Украіне абвешчаная паветраная трывога.

У розных рэгіёнах Украіны раніцай у панядзелак пачалі ўводзіць экстраныя адключэнні электраэнергіі праз пагрозы ўдараў. Энэргетычныя кампаніі і мясцовыя ўлады паведамляюць аб адключэннях у Кіеве, Днепрапятроўскай, Чаркаскай, Сумскай, Мікалаеўскай і Харкаўскай абласцях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com