У Койданаўскім раёне злодзей пакінуў на месцы злачынства нагавіцы

Яго вылічылі.

У Койданаўскім раёне злодзея вылічылі па забытых на месцы здарэння нагавіцах. Аб гэтым паведамілі ў Дзяржкамітэце судовых экспэртыз.

У пачатку верасня ў міліцыю звярнуўся дырэктар будаўнічай кампаніі. Ён расказаў, што на аб'екце ў Фаніпалі скралі кабель коштам звыш Br2,8 тыс.

Падчас агляду месца здарэння і прылеглай тэрыторыі праваахоўнікі ў лесапаласе знайшлі частку правадоў выкрадзенай канструкцыі і джынсы.

Падчас расследаванняў крымінальнай справы канфіскаваныя нагавіцы адправілі на судовую генетычную экспэртызу.

Спецыялісты знайшлі на іх кроў. Пры праверцы ўліку ДНК устаноўлена супадзенне з мужчынам 1978 года нараджэння, які жыве ў Гомельскай вобласці. Яго затрымалі міліцыянеры.

Мужчына прызнаўся ў зробленым і расказаў, што раней ужо бываў у Фаніпалі, ведаў размяшчэнне будаўнічых аб'ектаў і тое, што ў іх ёсць розныя матэрыялы.

Зламыснік выкраў каштоўную маёмасць, каб у далейшым яе прадаць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com