СМІ: Салаўёў замовіў забойства вядомага расейскага Z-блогера з Данецка

На гэтым канфлікт прапагандыстаў не скончыўся.

Унутраныя канфлікты сярод расейскіх прапагандыстаў і Z-блогераў усё больш актыўна выходзяць на паверхню.

Саюзнік Стралкова-Гіркіна блогер Міхаіл Палынкоў расказаў, як галоўны рупар расейскай ТВ Салаўёў замовіў забойства іншага вядомага Z-блогера Уладзіміра Грубніка (вядомага як «Призрак Новороссии») Грубнік раней жыў у Адэсе, аднак пасля ўцёк у акупаваны Данецк».

Грубнік блізка сябруе з калабаранткай Манцян, якая таксама актыўна варагуе з Салаўёвым. У сваім відэазвароце Палынкоў расказаў, што канфлікт паміж Салаўёвым і Грубнікам зайшоў так далёка, што разглядалася арганізацыя фізічнай ліквідацыі апошняга.

Каб урэгуляваць сітуацыю і «супакоіць» Салаўёва, яму прапанавалі ў якасці кампенсацыі статус «героя ДНР».

Фрагмент відэа апублікаваў украінскі журналіст Дзяніс Казанскі ў Telegram-канале.

Аднак канфлікт на гэтым не скончыўся. Палынкоў сцвярджае, што Салаўёў пераключыў сваю ўвагу на яго самога. Са слоў блогера, Салаўёў патрабуе ад расейскіх сілавікоў і вайсковай паліцыі ягонага арышту за дэзертырства.

Год таму Палынкоў уцёк з фронту і асеў у Падмаскоўі, і цяпер яго пагражаюць даставіць у так званую «ДНР».

Казанскі, публікуючы гэтае відэа, пракаментаваў сітуацыю: «Расейскі свет ва ўсёй красе. Хворыя на галаву псіхапаты пажыраюць адзін аднаго».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com