Памёр расейскі прапагандыст Скот Бенет

Сіманьян мяркуе, што яго маглі забіць.

Адстаўны афіцэр Узброеных сілаў ЗША Скот Бенет памёр ва ўзросце 46 гадоў. Пра гэта паведаміла галоўная рэдактарка тэлеканала RT Маргарыта Сіманьян.

Яна напісала, што Бенет быў аўтарам дакументальных фільмаў RT, а таксама «адным з найлепшых ваенных экспертаў».

Ён рэгулярна з'яўляўся ў эфіры RT і «Спадарожніка». Паводле словаў Сіманьян, Бенет ездзіў на Данбас, «паказваў, што там адбываецца», піша lenta.ru

Бенета маглі забіць «за тое, што ён апавядаў праўду пра канфлікт ва Украіне», мяркуе Сіманьян.

«Пасля таго як Скот скіраваў у Кангрэс свой даклад пра злачынствы Кіева ў Белгародскай вобласці, ён напісаў сябрам, што не схільны да самагубства, калі і з ім нешта здарыцца», – сказала яна.

Сіманьян дадала, што экс-афіцэр ніколі не скардзіўся на якія-небудзь хваробы і два тыдні таму знаходзіўся ў выдатнай форме. «І раптам ні з таго, ні з сяго ён памірае ад раку, якога ў яго ніколі не было, паводле сведчанняў ягоных шматлікіх розных сяброў», – дадала яна.

У сакавіку 2024 года Бенет папрасіў Уладзіміра Пуціна даць яму грамадзянства РФ. Сваё жаданне ён растлумачыў тым, што хацеў бы выкарыстоўваць свае навыкі ў дыпламатыі і вопыт у выведцы на карысць Расеі.

Адстаўны афіцэр УС ЗША у гады службы спецыялізаваўся на інфармацыйна-псіхалагічнай працы. Бенет прыехаў на Данбас у 2023 годзе, пра што быў зняты фільм «Я хачу, каб Амерыка гэта бачыла. Пакаянне натаўскага афіцэра».

Бенет таксама праводзіў «інтэрв'ю» з палоннымі азоўцамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com