Пратэстоўцы ўзвялі барыкады ў цэнтры Тбілісі

Адбыліся сутыкненні з сілавікамі.

28 лістапада ў сталіцы Грузіі Тбілісі людзі выйшлі на мітынг пасля таго, як прэм'ер-міністр Іраклі Кабахідзэ заявіў аб адмове ад уступлення краіны ў ЕЗ да 2028 года. Пратэстоўцы заявілі, што падобныя дзеянні ставяць пад пагрозу будучыню краіны. Сілавікі пачалі разгон мітынгоўцаў, выкарыстоўваючы слезацечны газ і вадамёты.

Пра гэта паведамляе “Эхо Кавказа". Паводле інфармацыі выдання, акцыя протесту была арганізаваная праз сацыяльныя сеткі.

Мітынгоўцы сабраліся каля цэнтральнага офіса кіруоўнай партыі “Грузінская мара" і будынка парламента ў Тбілісі. Яны заяўляюць, што пастанова прэм'ера Кабахідзэ з'яўляецца здрадай інтарэсам краіны і парушэннем артыкула 78 Канстытуцыі Грузіі, дзе замацавана імкненне да еўрапейскай інтэграцыі.

Паралельна з мітынгам прэзідэнтка Грузіі Саламэ Зурабішвілі правяла экстранныя кансультацыі з дыпламатычным корпусам і апазіцыяй, пасля якіх выступіла з заявай. Ейныя словы цытуе партал SOVA.news.

Зурабішвілі заявіла, што ўлада такімі дзеяннямі абвясціла вайну ўласнаму народу.

"Неісная, нелегітымная ўлада абвясціла не мір, а вайну – уласнаму народу, уласнаму мінуламу і ўласнай будучыні. На гэтым шляху няма ні грузінскай дзяржаўнасці, ні незалежнасці, ні будучыні без Расеі”, – канстатавала Зурабішвілі.

Яна таксама адзначыла, што падчас сваіх экстранных сустрэч з заходнімі дыпламатамі заклікала дапамагчы грузінскаму грамадству, і галоўная задача – прызначыць і правесці новыя парламенцкія выбары.

Прэзідэнтка таксама звярнулася да грузінскай апазіцыі і заклікала яе аб'яднацца для скаардынаваных дзеянняў.

Між тым, на акцыі ў Тбілісі сітуацыя абвастрылася. Улады падцягнулі да месца правядзення мітынгу войскі спецыяльнага прызначэння. Пачаліся сутыкненні паліцыі з пратэстоўцамі.

Прэзідэнтка Грузіі Саламэ Зурабішвілі выйшла на плошчу Свабоды, дзе размешчаныя войскі спецыяльнага прызначэння. Яна звярнулася да службоўцаў падраздзялення.

"Вы служыце Расеі ці Грузіі?", - спытала прэзідэнтка вайскоўцаў.

Пасля мітынгоўцы пачалі рухацца насустрач войскам спецыяльнага прызначэння. Сярод іх былі жанчыны і дзеці.

Вайскоўцы сталі выкарыстоўваць супраць людзей дымавыя шашкі, слезацечны газ і вадамёты.

Сілавікі сцягнуліся да асноўнай часткі акцыі па праспекце Шота Руставелі і пачалі разганяць людзей.

У МУС Грузіі заявілі, што пратэст “выйшаў за ўстаноўленыя законам межы, таму былі выкарыстаныя спецыяльныя сродкі”. А ў пабліках публікуюць відэа аб затрыманні дэманстрантаў паліцыяй.

На 2:45 паводле грузінскага часу праваахоўнікі зачысцілі тэрыторыю каля парламента Грузіі.

На праспекце Руставелі пасля разгону дэманстранты пачалі будаваць барыкады, усталёўваюць бочкі з агнём.

Пратэстоўцы застаюцца на праспекце Руставелі, людзі спяваюць гімн Грузіі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com