У Пакістане грымнуў выбух на чыгуначнай станцыі: загінулі 24 чалавекі

Больш за 40 пацярпелі.

У суботу, 9 лістапада, у Пакістане грымнуў выбух на адной з чыгуначных станцый. Ён адбыўся на пероне станцыі Квэта ў правінцыі Белуджыстан, дзе пад сотню чалавек чакалі прыезду цягніка: паліцыя мяркуе, што гаворка ідзе аб тэракце, учыненым тэрарыстам-смяротнікам.

Ужо вядома аб загубе не менш як 24 чалавек, больш за 40 атрымалі раныі. Драбніцы паведамляе Нindustan Times.

У Пакістане грымнуў выбух на чыгуначнай станцыі: загінулі 24 чалавекі, больш за 40 пацярпелі. Відэа

Выданне адзначае, што сама меней 24 чалавекі загінулі, яшчэ больш за 40 атрымалі раны ў выніку выбуху на чыгуначнай станцыі Квэта ў пакістанскім Белуджыстане ў суботу. Яны чакалі адпраўлення цягніка ў Пэшавар.

Дакладныя прычыны выбуху пакуль невядомыя, мясцовая паліцыя праводзіць расследаванне. Адной з асноўных версій, са слоў старшага супэрінтэнданта аддзела паліцыі Кветты Махамада Балаха, з'яўляецца тэракт, учынены тэрарыстам-смяротнікам. На станцыі працуюць выбухаватэхнікі, якія спрабуюць высветліць прычыну трагедыі.

Прадстаўнік правінцыі Белуджыстан Шагід Рынд падкрэсліў, што колькасць загінулых можа быць не канчатковай, бо частка параненых шпіталізаваная ў крытычным стане. У мясцовых лякарнях уведзенае "надзвычайнае становішча".

Белуджыстан з'яўляецца самай вялікай і адначасова самай беднай правінцыяй Пакістана. На тэрыторыі правінцыі дзейнічае мілітырызаваная сэпаратысцкая арганізацыя "Армія вызвалення Белуджыстана", сябры якой абвінавачваюць Пакістан і Кітай у імперыялізме і нэакаланіялізме.

Першай атакай, учыненай АВБ, лічыцца выбух на рынку Джына ў Квэце 22 ліпеня 2000 года, у выніку якога сем чалавек загінулі, 25 атрымалі раны.

З тых часоў сябры арганізацыі рэгулярна ўчыняюць тэракты ў Пакістане. Апошні час яны нацэліліся на энэргетычныя праекты з замежным фінансаваннем, найперш чаргу з Кітая, на падставе таго, што інвестары «эксплуатуюць» рэгіён і адбіраюць даходы ў мясцовых жыхароў.

Таксама гэтая арганізацыя часта бярэ на сябе адказнасць за смяротныя напады на вайскоўцаў ці пакістанцаў з іншых правінцый, напрыклад, пэнджабцаў. Адно з самых крывавых атак адбылася 25 жніўня 2024 года, калі ваеўнікі абвясцілі аб "аперацыі Героф": у выніку шэрагу скаардынаваных атак загінулі 74 чалавекі, у тым ліку 14 пакістанскіх жаўнераў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com