Беспілотнікі масава атакавалі сем расейскіх рэгіёнаў

Сталі вядомыя драбніцы ўдару.

Узброеныя сілы Украіны (УСУ) атакавалі Расею з ужываннем 50 беспілотнікаў уночы 9 лістапада, паведамляе Міністэрства абароны РФ. Пад удар трапілі адразу сем рэгіёнаў, піша The Moscow Times.

Паводле міністэрства, усе дроны былі знішчаныя сродкамі СПА. Над Бранскай вобласцю збілі 28 беспілотнікаў, над Курскай — 12, над Наўгародскай — чатыры, над Смаленскай і Тульскай абласцямі — па два, і па адным дроне над Арлоўскай і Цвярской абласцямі.

Astra адзначае, што ў Тульскай вобласці пад атаку трапіў горад Алексін, дзе, са слоў мясцовых жыхароў, заўважылі прынамсі 11 беспілотнікаў. Губернатар Тульскай вобласці Дзмітрый Міляеў паведаміў, што ў выніку налёту быў пашкоджаны прыватны жылы дом.

Губернатары Бранскай вобласці Аляксандр Багамаз і Наўгародскай вобласці Андрэй Нікіцін заявілі, што ў іхніх рэгіёнах абышлося без пацярпелых і разбурэнняў. У Курскай вобласці рэжым паветранай трывогі дзейнічаў на працягу ўсёй ночы.

Уночы 8 лістапада ўкраінскія беспілотнікі ўпершыню за 2 месяцы атакавалі расейскі нафтаперапрацоўчы завод. Пад удар трапіў НПЗ "Раснафты" ў Саратаўскай вобласці, магутнасць якога складае 7,2 млн тон нафты на год. У выніку на прадпрыемстве ўзнік пажар. Мінабароны РФ тады паведаміла, што "знішчыла" шэсць дронаў у небе над рэгіёнам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com