Грузію ахапілі масавыя пратэсты: Гарыць парламент

Дэманстранты спалілі пудзіла кіраўніка прарасейскай партыі «Грузінская мара» Бідзіны Іванішвілі.

Пратэстоўцы ў Тбілісі, сталіцы Грузіі, арганізавалі маштабны пратэст ля будынка парламента, дзе актыўна выказваюць сваю нязгоду з палітыкай ураду. Мітынгоўцы збудавалі барыкады на вуліцах і закідалі парламент феерверкамі. Пра гэта піша «Рэха Каўказа».

Падчас маштабных пратэстаў у Грузіі ўзнік пажар у будынку парламента. Агонь успыхнуў пасля таго, як пратэстоўцы пачалі закідваць парламент феерверкамі, частка якіх патрапіла ў выбітыя вокны.

Паралельна з гэтым у сацыяльных сетках з'явіліся відэа, на якіх дэманстранты спалілі пудзіла лідара прарасейскай партыі «Грузінская мара» Бідзіны Іванішвілі. Гэта стала сімвалічным актам пратэсту супраць пастановы ўладаў замарозіць еўраінтэграцыю краіны.

Пратэсты, якія пачаліся некалькі дзён таму, ахапілі Тбілісі, Батумі, Кутаісі і іншыя гарады Грузіі пасля таго, як урад абвясціў пра адмову ад перамоваў для ўступлення ў ЕЗ да 2028 года. Пастанова ўраду выклікала абурэнне сярод насельніцтва, і тысячы людзей выйшлі на вуліцы, патрабавалі зменаў і неадкладных перамоваў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com